មុខសញ្ញាជួញដូរនិងប្រើប្រាស់គ្រឿងញៀន ៥នាក់ត្រូវបាននគរបាលឃាត់ខ្លួន
07-December-2017 | ដោយ ពលមនសិការ
ភ្នំពេញ ៖ លោកវរសេនីយ៍ត្រី គួក សុខហួរ អធិការរងខណ្ឌសែនសុខបានឲ្យដឹងថាកម្លាំងនគរបាលខណ្ឌសែនសុខបានបង្ក្រាបគ្រឿងញៀន ២ករណី ឃាត់ខ្លួនជនសង្ស័យ ៥នាក់។
ករណីទី១៖ កាលពីថ្ងៃទី០៦ ខែធ្នូ ឆ្នាំ២០១៧ វេលាម៉ោង២២និង០៥នាទី ប៉ុស្តិ៍ទឹកថ្លា បានធ្វើការឃាត់ខ្លួនជនសង្ស័យចំនួន០២នាក់ ករណីប្រើប្រាស់គ្រឿងញៀន នៅចំណុចតាមផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ។
ជនសង្ស័យចំនួន០២នាក់រួមមាន៖ ទី១-ឈ្មោះ ផៃ សុភាន់ ភេទប្រុស អាយុ២៤ឆ្នាំ មុខរបរកម្មករសំណង់ ស្នាក់នៅភូមិអន្លុងក្ងាន សង្កាត់ឃ្មួញ ខណ្ឌសែនសុខ, ទី២-ឈ្មោះ ឈួយ កុសល ភេទប្រុស អាយុ២៣ ឆ្នាំ មុខរបរកម្មករសំណង់ ស្នាក់នៅភូមិអន្លុងក្ងាន សង្កាត់ឃ្មួញ ខណ្ឌសែនសុខ។
សម្ភារៈដកហូត ៖ ម៉ូតូចំនួន ០១គ្រឿង ម៉ាកស្ទែប ពណ៌ទឹកប៊ិច ពាក់ស្លាក់លេខ ភ្នំពេញ 1O-2756, ក្រាមពណ៌សថ្លាចំនួន ០១កញ្ចប់ថង់តូច សង្ស័យជាគ្រឿងញៀន ។
ករណីទី២៖ កាលពីថ្ងៃទី០៦ ខែធ្នូ ឆ្នាំ២០១៧ វេលាម៉ោង០១និង០៥នាទី ប៉ុស្តិ៍អូរបែកក្អម បានធ្វើការឃាត់ខ្លួនជនសង្ស័យចំនួន០៣នាក់ ករណីប្រើ ប្រាស់គ្រឿងញៀន នៅចំណុចតាមផ្លូវសហព័ន្ធរុស្ស៊ី ភូមិទ្រុងមាន់ សង្កាត់អូរបែកក្អម ខណ្ឌសែន សុខ។
ជនសង្ស័យចំនួន០៣នាក់រួមមាន៖ ទី១-ឈ្មោះ ចិន សុខមាន ភេទប្រុស អាយុ១៨ ឆ្នាំ មុខរបរជាងជួសជុលរថយន្ត ស្នាក់នៅបន្ទប់ជួល ភូមិទឹកថ្លា សង្កាត់ទឹកថ្លា ខណ្ឌសែនសុខ, ទី២-ឈ្មោះ បូ ស្រីលីន ភេទស្រី អាយុ១៨ឆ្នាំ មុខរបរកម្មកររោងចក្រ ស្នាក់នៅបន្ទប់ជួល ផ្លូវបេតុង ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ, ទី៣-ឈ្មោះ គឹម សេង ភេទស្រី អាយុ១៨ឆ្នាំ មុខរបរគ្មាន ស្នាក់នៅ ភូមិកំពង់ត្របែក ឃុំក្រចាប់ ស្រុកកំពង់ត្របែក ខេត្តព្រៃវែង។
សម្ភារៈដកហូត ៖ ម៉ូតូចំនួន ០១គ្រឿង ម៉ាកនិច ផលិតឆ្នាំ២០១៤ គ្មានស្លាកលេខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ6541
- ម្សិលមិញ10851
- សប្តាហ៍នេះ73061
- ខែនេះ188211
- ឆ្នាំនេះ188211
- សរុប20630667